Бүгін Италиядағы Олимпиада алаңдарында Қазақстан намысын спорттың үш түрі бойынша тоғыз спортшы қорғайды, деп хабарлайды Ұлттық Олимпиада комитетінің баспасөз қызметі.
2026 жылғы Қысқы Олимпиада ойындары Милан және Кортина-д’Ампеццо қалаларында өтіп жатыр және 22 ақпанға дейін жалғасады. 19 ақпандағы жарыс күнінің қорытындысы бойынша Қазақстан құрамасы жалпыкомандалық есепте 19-орынға төмендеді. Бұл деректі Италиядағы Олимпиада ойындарының ресми сайты жариялады.
19 ақпанда Қысқы Олимпиада ойындарында барлығы алты жүлде жиынтығы сарапқа салынды. Чемпиондар мен жүлдегерлер ски-альпинизм, мәнерлеп сырғанау, хоккей, конькимен жүгіру және шаңғы қоссайысы бойынша анықталды.
Осы күні Олимпиадада еліміздің намысын тек мәнерлеп сырғанаушы Софья Самоделкина қорғады. Оның өнер көрсетуін Михаил Шайдоров пен Геннадий Головкин тамашалады.
